2022 жылғы 24 ақпанда "Риддер қаласындағы олимпиада резервінің республикалық мамандандырылған мектеп – интернат – колледжі" РММ 7-11 сынып оқушылары мен колледж білім алушыларының кәмелетке толмағандар жөніндегі инспекторлармен және директордың тәрбие ісі жөніндегі орынбасарымен кездесуі өтті.
Аталған іс-шараның мақсаты білім алушыларды адамгершілік тәрбие, сыбайлас жемқорлық, сыбайлас жемқорлық қылмыстары үшін қылмыстық жауапкершілік, сыбайлас жемқорлық қылмыстары үшін жауапкершілікке тартылатын адамдар ұғымымен таныстыру болды.
Іс-шара барысында оқушылар "Сыбайлас жемқорлық" ұғымының пайда болу тарихын және әртүрлі тарихи кезеңдердегі оған қарсы іс-қимылдың құқықтық шараларын білді. Кәмелетке толмағандар істері жөніндегі инспекторлар оқушыларға сыбайлас жемқорлыққа қарсы іс-қимыл қағидаттарымен танысуға мүмкіндік беретін проблемалық жағдайлардың мысалдарын таңдады. Сондай-ақ оқушылармен күнделікті өмірде сыбайлас жемқорлықтың алдын алу және оған қарсы тұру тақырыбында әңгімелесті, сыбайлас жемқорлықтың қаншалықты қауіпті екенін және құқық қорғау органдарының онымен неге күресіп жатқанын түсіндірді. Қазіргі қоғамның "парақорлық" сияқты сыбайлас жемқорлық көрінісі туралы толығырақ айтылды, сындарлы диалог аясында "сыйлық" және "пара"сияқты ұғымдар талқыланды.
Кездесу соңында оқушыларға сыбайлас жемқорлыққа қарсы бағыттағы бейнеролик көрсетілді.