Риддер қаласындағы «Олимпиада резервінің облыстық мамандандырылған мектеп-интернат-колледжі» КММ-де кәмелетке толмағандар істері жөніндегі Риддер қ. ПБ ЖПҚБ инспекторлары — полиция капитаны Илиясов Даурен Серікұлы мен полиция майоры Нұрлыбеков Ернұр Кенжебековичтің қатысуымен оқушылармен кездесу өтті.

Кездесу барысында оқушылар Қазақстан Республикасының әкімшілік заңнамасындағы өзгерістермен таныстырылып, құқық бұзушылықтар үшін жауапкершілік түсіндірілді, атап айтқанда:

• буллинг және кибербуллинг үшін — ҚР ӘҚБтК-нің 127-2-бабы;
• педагогтың мәртебесіне және заңды құқықтарына қол сұғу үшін — ҚР ӘҚБтК-нің 409-бабы;
• алкоголь өнімдерін тұтыну және есірткі, психотроптық заттарды қолдану;
• оқу сабақтары кезінде ұялы телефонды мақсатсыз пайдалану және мінез-құлық ережелерін бұзу.

Мұндай кездесулер кәмелетке толмағандар арасында құқықтық мәдениетті қалыптастыруға және құқық бұзушылықтардың алдын алуға бағытталған.